كلمات أغنية الوقت بيسرقنا دنيا سمير غانم

Amir Elsaeed

لاندرك قيمة من حولنا من أهل وأصدقاء وأحباء إلا بعد أن نفقدهم ,

وحينها نتمني أن يعود بينا الزمن ولو لدقائق لنخبرهم كم كنا نحبهم .

~ ~

بنعيش والوقت بيسرقنا

وبنمشي ونسرح في طريقنا

والأيام إلي بتجمعنا

ممكن في ثواني تفرقنا

ساعات الدنيا بتلهينا

عن اغلي واقرب ناس لينا

وفي يوم عمرنا مابنتمناه

نلاقيهم مابقوش حوالينا

مبنحسش بقيمة الحاجه إلا لما تروح ..

وكان في صوت بيصرخ فينا ..

واحنا مابنسمعش

ونندم عللي ضاعو وراحو ..

وقلبنا مجروح

ياريت الوقت يرجع بينا ..

بس مابيرجعش

زمان كانو هنا بينا وحوالينا واللقي مسموح ..

ودلوقتي ومهما بكينا اللقي مينفعش ..

قرب من كل اللي حاببهم

شيل عنهم خوفهم وتعبهم

يمكن يسيبوك هما الأول

أو يمكن انت اللي تسيبهم

علي قد ماتقدر فرحهم

بصلهم واحفظ ملامحهم

هيجيلك يوم فيه تتمني

لو حتي في نومك تلمحهم

غناء : دنيا سمير غانم , كلمات : أمير طعيمه , ألبوم : واحده تانيه خالص

Arabic Lyricspedia