كلمات أغنية غمض عينك غناء كايروكي
كلمات أغنية غمض عينك غناء كايروكي
غمض عينك
لو حتي دقيقة
إنت الأغنية والدنيا المزيكا
امشي معاها وادخل جواها
غني بإحساس لو حتي نشاذ
الدنيا دوامه ومافيش عوامه
سيب نفسك خالص وكفاية دراما
الدنيا سهله مش مستهله
ماتفكرش في بكره دلوقتي احلي
متلخبط وبتتخبط ولبكره قاعد بتخطط ونسيت تعيش
باصص واراك مش قدامك
متكتف واقف في مكانك ومابتمشييش
غمض عينك
مره كمان
الدنيا لوحة وإنت الفنان
ارسم بمزاجك واشطب عاللي فاتك
بكره عاوز يسمع حكاياتك
اشخط في سكوتك واسمع صدي صوتك
قبل مالدنيا تجري وتفوتك
اقلب الصفحة
الدنيا لحظة
في مره هتنام ومش هتصحي
متلخبط وبتتخبط ولبكره قاعد بتخطط ونسيت تعيش
باصص واراك مش قدامك
متكتف واقف في مكانك ومابتمشييش
الدنيا لعبة واللعبة صعبة
هزها شوية وكفاية قاعدة
عدي كل المراحل وحلمك هتلاقيه
اوصل للوحش وعلم عليه
اول ماتنجح هتلاقي كلاب بتنبح
والفاضي هيعمل قاضي وبخياله يسرح
أوعي تدخل معاه الحرب
عمرك شوفت واحد بيعض كلب
هشه هيصنفوك ولتحت يشدوك
وناس تانية تشدك لفوق فوق
هينفخوك ويبروزوك ويطبلولك ويتلونوا بلونك
عايزينك تبقي نجم وتبقي قدوة
صدق نفسك تعيش الكدبة
إمشي في طريقك لو كل الناس ماشية عكسك
ماتحاولش تراضي كله وتخسر نفسك
متلخبط وبتتخبط ولبكره قاعد بتخطط ونسيت تعيش
باصص واراك مش قدامك
متكتف واقف في مكانك ومابتمشييش
ليس هنالك تعليقات :
إرسال تعليق