كلمات أغنية أنا نجم كايروكي
كلمات أغنية أنا نجم
وبعدين كل ما اخد خطوة ارجع اتنين
العمر بيجري سابق السنين
انا شاب لكن من جوة عجوز عندي جناحات بس محبوس
مجروح بنزف طموح بدمي بكتب كلامي وابوح
بسرح بتخيل بروح بغني ترد فيا الروح
يمكن دا مش مكاني او الزمان دا مش زماني
او انا موهوم
يمكن خيالي وداني لدنيا او لعالم تاني
او انا مجنون او يمكن
انا نجم بس ما فيش سما
عندي جناحات بس ما فيش هوا
انا نجم بس ما فيش سما
عندي جناحات بس ما فيش هوا
وبعدين سامع جوه مني صوتين صوت سابقني
والتاني قديم
صوت يدل وصوت يضل صوت يحرر وصوت يشل
وبعدين اروح لمين بحلم ببكرة انا طول الليل
يجي النهار واصطبح كل اللي حلمته بيتمسح
اوقات بحس اني سابق
انتوا عايشين في الماضي وانا معاه بتخانق
مكاني انا شايفه مش هنا
احلامي اقوى مني ومكمله
انا نجم بس ما فيش سما
عندي جناحات بس ما فيش هوا
انا نجم بس ما فيش سما
عندي جناحات بس ما فيش هوا
انا نجم بس ما فيش سما
عندي جناحات بس ما فيش هوا
شايف لبعيد بس مافيش طريق
عندي حكايات احكيها لمين وانا وحيد
ليس هنالك تعليقات :
إرسال تعليق